Një seri sulmesh me armë dhe bomba në të gjithë provincën jugperëndimore të Balochistanit të Pakistanit kanë vrarë 31 civilë dhe 17 anëtarë të shërbimit të sigurisë, tha kryeministri i rajonit, Sarfraz Bugti.
Forcat e sigurisë që iu përgjigjën dhunës vranë të paktën 145 sulmues, sipas Bugti-t. Grupi rebel i Ushtrisë Çlirimtare të Balochistanit (BLA) kishte thënë më parë se qëndronte pas sulmeve, duke pretenduar se dhjetëra ushtarë u vranë, shkruan BBC.
Përshkallëzimi është një nga ditët më vdekjeprurëse të dhunës në provincën e varfër, ku qeveria e Pakistanit ka luftuar një kryengritje etnike për dekada të tëra.
Pakistani e akuzoi Indinë për mbështetjen e BLA-së. Delhi i ka mohuar vazhdimisht akuza të tilla.
Ushtria tha se sulme të shumta kishin synuar civilët përreth kryeqytetit provincial Quetta dhe vendeve të tjera.
Sulmet me granata dhe armë zjarri në 12 qytete dhe qyteza në të gjithë provincën kishin në shënjestër instalimet e policisë dhe paraushtarakëve, si dhe burgjet dhe ndërtesat qeveritare.
Të tjera
Prindërit me dy fëmijë të lënduar nga guri i madh që ra mbi veturë në Pejë-Kuqishtë
5 vjet nga vendosja e marrëdhënieve diplomatike mes Kosovës e Izraelit, Ziv uron që të zhvillohen e lulëzojnë më tej
Aksident me autobus në Turqi, 9 të vdekur dhe 26 të plagosur