Sulmohet një person zyrtar i emergjencës në Mitrovicë

Një incident ka ndodhur mbrëmjen e së hënës në emergjencën e qytetit të Mitrovicës së Jugut.

Sipas raportit të policisë, rreth orës 19:30, një person i dyshuar ka sulmuar fizikisht një punonjës të emergjencës, pas një fjalosjeje lidhur me një tretman mjekësor.

Bëhet e ditur se viktima ka marrë tretmanin e nevojshëm mjekësor, ndërsa i dyshuari, pas intervistimit, është liruar në procedurë të rregullt me vendim të prokurorit kompetent.

Ngjarja po hetohet për veprën penale “Sulm ndaj personit zyrtar”.