Ta shohim kush po vjen, pastaj flasim

Kryeministri në detyrë dhe njëherësh kryetar i Lëvizjes Vetëvendosje, Albin Kurti, ka mbërritur sot në Kuvendin e Kosovës për takimin e thirrur me liderët e partive politike.

Para hyrjes në ndërtesë, Kurti u deklarua shkurt për media, duke lënë të kuptohet se zhvillimet e takimit do të përcaktojnë edhe qëndrimet që do të ndahen me publikun.

“Tash po shkojmë në mbledhje. Së pari ta shohim kush po vjen, si po ecën, e mandej shpresojmë të kemi çfarë të themi”, u shpreh Kurti.

Pas tij, në Kuvend ka mbërritur edhe kreu i Nismës Socialdemokrate, Fatmir Limaj, i cili nuk dha deklaratë para gazetarëve, por tha shkurt se do të prononcohet pas takimit.

Takimi i sotëm po zhvillohet në një kontekst të rëndësishëm politik, ndërsa mbetet të shihet nëse do të arrihet ndonjë dakordim