Tre deputetë të PDK-së, të gatshëm ta votojnë Haxhiun veç me votim të fshehtë

Gazetari Vullnet Krasniqi sonte në emisionin “Rubikon” në Klan Kosova ka thënë se tre deputetë të PDK-së janë të gatshëm ta votojnë Albulena Haxhiun.

Ai tha se bëhet fjalë për dy deputete dhe një deputet dhe se këtë do ta bëjnë vetëm me votim të fshehtë.

“Edhe tri vota janë prej PDK-së, te votimi i fshehtë. Sot jam takuar me njerëz që janë brenda PDK-së dhe tre deputet, dy deputete edhe një deputet janë të gatshëm ta votojnë Albulena Haxhiun, por vetëm me votim të fshehtë”, u shpreh tutje ai.