Policia e Kosovës, në bashkëpunim të ngushtë me Prokurorinë Themelore në Prizren, ka zhvilluar sot një operacion të gjerë policor në mbarë territorin e Republikës së Kosovës, si rezultat i një hetimi disa mujor ndaj dyshimeve për krime ekonomike, përcjell KosovaPost.
Operacioni është realizuar pas zbatimit të masave të veçanta hetimore, ndërsa gjatë aksionit janë arrestuar 39 persona të dyshuar. Po ashtu, autoritetet kanë sekuestruar mjete të konsiderueshme financiare, armë, ari si dhe prova të tjera materiale, të cilat do të shërbejnë për procedurat e mëtejme hetimore.
Sipas Policisë së Kosovës, operacioni është shtrirë në disa qytete të vendit dhe është zhvilluar në koordinim të plotë me organet e drejtësisë, duke u realizuar me sukses dhe pa incidente.
Policia e Kosovës ka ritheksuar përkushtimin e saj të vazhdueshëm në parandalimin dhe luftimin e veprimtarive të kundërligjshme, me qëllim të forcimit të sundimit të ligjit dhe garantimit të sigurisë publike në vend.
Të tjera
Partia e Nenad Rashiqit fiton një ulëse në Kuvendin e Kosovës
Si të liroheni sa më shpejt nga viruset?
Gjenden mbetje mortore në Gjakovë, dyshohet se i përkasin një personi të zhdukur gjatë luftës