Vizitat e Kurtit e Osmanit në SHBA ndezin debatin: Zeqiraj ‘godet’ PAN-in për sabotim të shtetit

Në javën e fundit, skena politike e Kosovës është karakterizuar nga vizitat e rëndësishme të Kryeministrit Albin Kurti dhe Presidentes Vjosa Osmani në Shtetet e Bashkuara të Amerikës.

Këto vizita kanë pasur një rëndësi të veçantë si në aspektin diplomatik ashtu edhe në atë strategjik, duke reflektuar përpjekjet e vazhdueshme të institucioneve të Kosovës për të forcuar marrëdhëniet me aleatin kryesor ndërkombëtar – SHBA-në.

Takimet me zyrtarë të lartë amerikanë, përfaqësues të diasporës shqiptare dhe pjesëmarrja në forume ndërkombëtare kanë synuar thellimin e bashkëpunimit në fushat e sigurisë, ekonomisë dhe integrimit ndërkombëtar të Kosovës.

E në lidhje me këtë takime dhe vizita, në një prononcim për “Bota sot” foli publicisti nga Gjermania, Idriz Zeqiraj.

“Pezullimi i Dialogut të planifikuar Strategjik, trazoi klasën politike dhe popullin e Kosovës. Kjo goditje erdhi “si rrufeja në mot të kthjelltë”. Ishte sa i papritur, aq edhe i padrejtë, sa edhe sanksionet e vëna Kosovës, nga BE-ja, pas sulmit terrorist të Serbisë në Banskë të Zveçanit.

Hapja e Sesionit vjetor të OKB-s, në Neë Jork, krijoi shansin dhe mundësinë, për krerët drejtues të Kosovës të jenë të pranishëm në vatrën e Lirisë dhe të Demokracisë botërore. Me ftesën e këtij Institucioni prestigjioz botëror, udhëtoi e para e Shtetit të Kosovës, Vjosë Osmani, e pasuar nga zëvendëskryeministja dhe ministërja e Jashtme dhe e Disaporës, Donikë Gërvalla. Dhe, më pas atyre iu bashkua edhe kryeministri Albin Kurti.

Kjo vizitë po ndodhë pas atij zhurmimi, sa të poshtër, aq edhe kriminal, të bërë nga opozita sa e dyshimtë, aq edhe destruktive e Kosovës. Duke shfrytëzuar disa deklarata të hershme, paushalle e hiç reale të Albin Kurtit, për raportet SHBA-Kosovë, opozita shtoi akuza tjera, krejt të pabaza, siç janë veprimet e Qeverisë aktuale, në mbylljen e institucioneve paralele të Serbisë, në veriun e Kosovës”, nënvizoi ai.

“Opozita PAN-iste, duke shfrytëzuar mediat e kapura, përmes lukunisë lehaqene të ish-kuadrove të saj, zëvendëskryeministra, ministra, zëvendësministra, këshilltarë, diplomatë, juristë nga drejtësia e kapur, avokatër të mërdhezur pas parasë, në mbrojtje të krimit dhe soj-sorollopi i tyre, tashmë, të konvertuar në gazetarë pa diplomë, anal-banalistë të pacipshëm, të cilët e kanë bërë fytyrën prapanicë, iu sulën Qeverisë Kurti dhe Presidentes Vjosë Osmani, duke i kryqëzuar për gjithçka të keqe në Kosovë!

Kjo opozitë mjerane ka vazhduar t`i heshtë krimet politike serike, të bëra nga PAN-i kriminal, ka heshtur edhe 206 milionë euro, të abuzuar për 45.500 veteranë të rrejshëm; për Gjykatën Speciale në Hagë, në 7 vitet e fundit, janë paguar 276 milionë euro. Ndërkohë kjo opozitë skandaloze, çirret “deri në kupë të qiellit”, për afro 2.5 milionë euro, për ndërtimin e dy urave, paralele të Urës së Evropës, e premtuar për t`u hapur me të përfunduar së ndërtuari. Por, për turpin e BE-së, edhe pas një çerek-shekulli, vazhdon të jetë e bllokuar, e mbyllur!?”.

Më tej, publicisti nga Gjermania potencoi se pezullimi i Dialogut Strategjik nuk ishte ndëshkim vetëm për Kurtin, por gjithë klasën poliitke në Kosovë.

Kësisoj, fajësoi ish-partitë opozitare për qasjen e tyre dhe foli për synimet e tyre për rikthim në pushtet.

“Fajësia e rëndë e opozitës është, se e cytur nga ethet e kthimit në pushtetin e pamerituar, e përligji, e justifikoi, madje pa asnjë rezervë, pezullimin e Dialogut Strategjik, gjë që ishte ndëshkim jo vetëm për Kurtin, por edhe për të gjithë klasën politike dhe vetë Kosovën. Në veçanti, PAN-i, i zhytur në krime dhe hajni, për 5 (pesë) vite radhazi shpif dhe spiunon kryeministrin Kurti, tek zyrtarët amerikanë, me qëllim të shpalljes “non grata” të tij nga DASH amerikan. Bllokimi i VETTING-ut dhe i BYROSË për Verifikimin e Pasurive të Paligjshme, nga PAN-i, është arsyeja e këtij revanshi të egër, për t`u mbrojtur nga ligji, për krimet serike si dhe mbrojtjen e pasurive, të grabitura brezave shqiptarë”, përfundoi Idriz Zeqiraj