Lajme

Votimi i nënkryetarit, Haxhiu thotë se pret votë nga AAK ose Nisma: Mund të jetë seanca e fundit

Posted on by botaelajmeve

Nënkryetarja e Kuvendit, Albulena Haxhiu para nisjes së seancës konstituive tha se sot mund të jetë seanca e fundit, gjersa theksoi se pret votë nga AAK dhe Nisma.

Haxhiu tha se nëse të gjithë hedhen në short dhe nuk zgjidhet nënkryetari, atëherë Kuvendi nuk ka arsye të mblidhet.

“Sot mund të jetë seanca e fundit sepse nëse sot të gjithë hedhen në short dhe nuk ka tjetër që pret, atëherë nuk ka arsye të mblidhemi pas 48 orëve, sepse për çka do të mblidhemi. Prandaj, është e rëndësishme ta konstituojmë Kuvendin sepse kjo situatë çon në zgjedhje.
Ne nuk jemi të interesuar të shkojmë në zgjedhje, mendojmë se duhet të konstituohet Kuvendi i Kosovës, të votohet qeveria, por ja që opozita po e pengon. Është në dorën e opozitës, nëse PDK, LDK refuzojnë ta bëjnë këtë, sepse shumë shpesh kemi thënë se me votimet e tyre janë në linjë me Listën serbe, të paktën presim nga AAK, Nisma”, ka thënë ajo.