Vrasje në Vushtrri, viktima një 19-vjeçar

Policia e Kosovës ka konfirmuar raportimet në media lidhur me vrasjen e një personi në Vushtrri.

Zëdhënësi i Policisë për rajonin e Mitrovicës, Avni Zahiti, ka bërë të ditur për Insajderin se gjuajtja me armë zjarri ka ndodhur në rrugën “Galip Badivuku”, ku si pasojë e lëndimeve ka vdekur një përreth 19-vjeçar.

Zahiti ka bërë të ditur se dorasi është në kërkim nga policia.

“Rreth orës 20:35 min policia  ka pranuar informatën për  të  shtëna nga arma e zjarrit, ngjarja  ka ndodhur në  rrugën ” Galip Badivuku” ne Vushtrri. Nga hetimet fillestare behet e ditur se si pasojë  e plagëve të  pësuara nga arma e zjarrit ka humbur jetën viktima mashkull/ kosovar rreth 19 vjeçar. Njësitet përkatëse policore ndodhen ne vendin e ngjarjes dhe janë  në  kërkim  të  personit të  dyshuar”, ka thënë ai.

Periskopi mëson se viktima është një 15 vjeçar me inicialet A.Z.

Sipas mediave, dyshohet se ka pasur të shtëna me armë zjarri mes disa personave.

Dyshohet se si pasojë e të shtënave, një persona ka mbetur i vrarë dhe një tjetër është plagosur.

Në pamjet e siguruara, vërehet njësitë e policisë së Kosovës që po merren me rastin.