Sulmet ajrore izraelite vranë të paktën 14 persona gjatë natës në qytetin Gaza, thanë zyrtarët e shëndetësisë, ndërsa Izraeli po intensifikon ofensivën atje dhe u bën thirrje palestinezëve të largohen.
Sulmet vijnë teksa vendet perëndimore po shfaqin gjithnjë e më shumë pakënaqësi me luftën në rritje në Gaza, dhe disa prej tyre po ndërmarrin hapa për të njohur shtetin palestinez në takimin e liderëve botërorë në Asamblenë e Përgjithshme të Kombeve të Bashkuara javën e ardhshme.
Në një deklaratë të premten, Ministria e Punëve të Jashtme e Portugalisë tha se do të njohë shtetin palestinez të dielën. Ky vend iberik e kishte shpallur më herët planin, por tani ka caktuar një datë zyrtare.
Portugalia është ndër disa vende perëndimore, përfshirë Mbretërinë e Bashkuar, Francën, Kanadanë, Australinë, Maltën, Belgjikën dhe Luksemburgun, që pritet të njohin shtetin palestinez në ditët e ardhshme.
Operacioni i fundit izraelit, që filloi këtë javë, e përshkallëzon më tej konfliktin që ka trazuar Lindjen e Mesme dhe ka të ngjarë ta largojë edhe më shumë çdo mundësi armëpushimi. Ushtria izraelite, e cila thotë se synon të “shkatërrojë infrastrukturën ushtarake të Hamasit,” nuk ka dhënë një afat kohor për ofensivën, por ka shenja se ajo mund të zgjasë me muaj.
Bombardimet izraelite gjatë 23 muajve të fundit kanë vrarë mbi 65,000 njerëz në Gaza, kanë shkatërruar pjesë të mëdha të territorit, kanë zhvendosur rreth 90% të popullsisë dhe kanë shkaktuar një krizë humanitare katastrofike, ndërsa ekspertët thonë se qyteti Gaza po përballet me uri të skajshme./rtk
Të tjera
Kurti mbi 309 mijë vota, Konjufca 240 mijë, 10 më të votuarit në VV pas numërimit të rreth 90 përqind të votave
Fëmijët e vetëm më të rrezikuar nga obeziteti
Numërohen mbi 80% e votave për deputetë, renditja e top-pesësheve s’ndryshon