Ylli i futbollit, Xherdan Shaqiri, e ka përjetuar rëndë eliminimin në çerekfinale nga Kampionati Evropian .
Zvicra është eliminuar me penallti me rezultat 5:3 nga Anglia.
Shaqiri është aktivizuar në minutën e 109-të dhe në të 117-të, nga korneri godit bukur por shtylla e majtë ia mohoi golin.
““Mendoj se nuk ka asgjë më brutale se të eliminohesh me penallti.
Jam shumë krenar me ekipin dhe mendoj se kemi bërë shumë njerëz krenarë dhe të lumtur.
Ky ishte gjithnjë synimi ynë i madh.
Në futboll një ekip eliminohet edhe me penallti dhe Anglia ishte më e mirë në to sot. Ishim afër, por për fat të keq anglezët kishin nerva më të qeta.
Por njerëzit do ta kujtojnë që luajtëm Evropian të mirë. Mund të shihet edhe në media sociale si kanë festuar njerëzit dhe kjo ka ndikuar te ne.
Kjo eufori na ka prekur dhe nuk mund të fajësohemi për asgjë.
Të gjithë jemi shumë krenarë me paraqitjen dhe mund të ndërtojmë në këtë për turneun e ardhshëm””, tha Shaqiri për SRF.
Të tjera
Nesër mbahet Konferenca Nacionale “Një komunitet pa varësi”, merr pjesë Kurti
I treguam Katarit, por ishte shumë vonë për ta ndaluar su*lmin
Shqipëria del e dyta pas fitores ndaj Letonisë dhe debaklit të Serbisë nga Anglia