Yamal nuk është i mërzitur, Topin e Artë do ta fitojë vitin tjetër

Trajneri i Barcelonës, Hansi Flick, foli në konferencë për shtyp, duke u ndalur edhe te Lamine Yamal, i cili u rendit i dyti në garën për Topin e Artë.

“Yamal? Fola me të dje dhe ai është i motivuar për të fituar Topin e Artë vitin e ardhshëm, pasi nuk e mori këtë vit. Edhe Dembélé e meritonte. Ai e pranon dhe është i motivuar.

Do të ketë një shans për ta fituar; është i ri. E vlerësoj që shumë nga ekipi im janë në garë; kjo tregon shumë për atë që bëmë sezonin e kaluar. Kthimi i tij është pothuajse këtu; gjithçka po shkon mirë.”