Zbulohen specifikat e Xiaomi 15 – duket si një përmirësim, por jo “tronditës” i Xiaomi 14

Xiaomi 15 pritet të lansohet në Kinë në mes të tetorit si pajisja e parë e fuqizuar nga çipi Snapdragon 8 Gen 4, së bashku me 15 Pro.

Dhe specifikat e këtij celulari tani kanë rrjedhur në Kinë, shkruajnë mediat e huaja.

Ai thuhet se ka një ekran të sheshtë LTPO me rezolucion “1.5K”, një kamerë kryesore 50 MP, një 50 MP ultra të gjerë dhe një telefoto 50 MP 3x.

Përveç kësaj, RAM/hapësira maksimale e ofruar do të jetë 16 GB/1 TB.

Xiaomi 15 do të ofrohet të paktën në të zezë dhe të bardhë ndërkohë që kapaciteti i baterisë nuk është përmendur ende.

Pra, në përgjithësi, duket si një përmirësim i mirë, por jo “tronditës” i Xiaomi 14.