Presidenti i Ukrainës, Volodymyr Zelensky, njoftoi sot se dokumenti amerikan që lidhet me garancitë e sigurisë për Ukrainën është përfunduar plotësisht, ndërsa Kievi pret konfirmimin për kohën dhe vendin e nënshkrimit të tij.
“Për ne, garancitë e sigurisë janë mbi të gjitha garanci sigurie nga Shtetet e Bashkuara. Dokumenti është 100% gati dhe tani presim nga partnerët tanë të konfirmojnë se kur dhe ku do ta nënshkruajmë”, deklaroi Zelensky gjatë një konference për shtyp nga Vilniusi, kryeqyteti i Lituanisë.
Ai shtoi se pas nënshkrimit, dokumenti do t’i dërgohet për ratifikim Kongresit të SHBA-së dhe parlamentit ukrainas.
Nga ana e tij, presidenti i Lituanisë, Gitanas Nausėda, pas takimit me Zelenskyn, u tha gazetarëve se Rusia po shmang angazhimin për një paqe të qëndrueshme dhe të drejtë, duke refuzuar gjithashtu pranimin e një armëpushimi. /Panorama
Të tjera
Synon udhëheqjen e LDK-së/ Analistët: Hap i guximshëm, Hoti mund ta unifikojë LDK-në, figurë serioze dhe me profil të lartë
Me përulje për viktimat e 7 tetorit, Rama nis vizitën zyrtare në Izrael
Lladrovci në Izrael, planifikon takime me homologë, biznesmenë dhe sipërmarrës