Zëvendësministri për hapjen e Urës së Ibrit: S’ka datë e orë të saktë, jemi të angazhuar të ndodhë gjatë kësaj vere

Zëvendësministri i Administrimit të Pushtetit Lokal, Arbër Vokrri, ka thënë që këtë verë pritet të hapet Ura e Ibrit.

“Nuk ka ndonjë datë të caktuar ende, orë të saktë mirëpo ne jemi të angazhuar që gjatë kësaj vere dhe atë sa më parë të mundësohet lëvizja e lirë e qytetarëve edhe me vetura”, ka thënë Vokrri në Info Magazine të Klan Kosovës.

“Kushdo që i ka parë imazhet e protestës, në ballë të cilës janë vërejtur organizatorët, mund ta ketë që qartë se cila është agjenda dhe kush janë këta njerëz që tentojnë me çdo kusht ta krijojnë iluzionin e rrezikut dhe tensioneve në atë pjesë të vendit, pra është fjala për liderët dhe ithtarët e Listës Serbe”.