Zgjedhjet e 12 tetorit, KQZ sot mban mbledhje

Komisioni Qendror i Zgjedhjeve sot do të mbajë mbledhjen e radhës në vazhdën e përgatitjeve për zgjedhjet lokale të 12 tetorit.

Në këtë mbledhje do të diskutohet për Këshillin për Operacione Zgjedhore, shqyrtimin dhe miratimin e rekomandimit për përcaktimin e formulës së këshillave të vendvotimeve për  Zgjedhjet Lokale 2025, shqyrtimin dhe miratimin e rekomandimit për përcaktimin e formulës se ekipeve te numërimit në Qendrat  Komunale të Numërimit.

Po ashtu në rend dite është edhe shqyrtimi dhe miratimi i Rekomandimit për caktimin e numrit maksimal të votuesve  në vendvotime për Zgjedhjet Lokale 2025, shqyrtimi dhe miratimi i Rekomandimit për caktimin e numrit të vendvotimeve në qendrat e votimit me kusht për Zgjedhjet Lokale 2025, certifikimi i Listës së Votuesve për Zgjedhjet Lokale 2025, shqyrtimi dhe miratimi i numrit të fletëvotimeve dhe broshurave që do të shtypen  për Zgjedhjet Lokale 2025, shqyrtimi dhe miratimi i përmbajtjes dhe dizajnit final të fletëvotimeve dhe broshurave të kandidatëve për Zgjedhjet Lokale 2025 dhe shqyrtimi dhe miratimi i vendimit për mbikëqyrjen e procesit të shtypjes së fletëvotimeve, broshurave dhe listës së votuesve për Zgjedhjet Lokale 2025.