Ish shefi i Shtabit të Pergjithshëm të Ushtrisë Clirimtare të Kosovës, Bislim Zyrapi e ka vazhduar edhe sot dëshminë e tij në Hagë, ku paradite është marrë në pyetje nga prokuroria e më pas ka filluar pyetjet Luka Misetic, avokat mbrojtës i Ish Presidentit, Hashim Thaçi.
Në pyetjet e avokatit Misetic, Zyrapi, si një figurë e njohur dhe me ndikim në luftë konfirmoi se nuk ka pasur asnjë marrëveshje brenda Shtabit për një politikë që do të përndiqte bashkëpunëtorët apo shkeljen e të drejtave të njeriut.
Zyrapi madje konfirmoi se në verën e vitit 1998, ajo çfarë ka parë ai ishte se UCKL-ja nuk ishte një organizatë e centralizuar por ishte e paorganizuar. Ai pohoi poashtu se po në verën e 98 Shtabi kishte probleme për t’u mbledhur dhe vepruar në mënyrë të unifikuar.
Zyrapi duket se do të ketë një dëshmi të gjatë në Hagë, pasi veç prokuroria ka marrë kohë dy ditë për pyetjet, ndërkaq në radhë kanë mbetur mbrojtja e Thaçit, ajo e Veselit, e Selimit dhe Krasniqit dhe më pas edhe paneli i gjyqtarëve. /Gazeta10/
Të tjera
Arratiset për herë të 9 nga burgu Faton Hajrizi, i dënuar për vrasjen e policit rus
Lajçakut i vazhdohet zyrtarisht mandati si emisar i dialogut deri në janar
MASHTI-it i bëhet thirrje që në vitin e ri shkollor ta bëjë furnizimin me tekste shkollore para 1 shtatorit