I dërguari special i BE-së për dialogun ndërmjet Kosovës dhe Serbisë, Miroslav Lajçak, i cili mori pjesë në samitin e sotëm të Procesit të Berlinit, tha se ka ardhur koha që integrimi i Ballkanit Perëndimor në BE të bëhet realitet.
Në rrjetin social “X”, Lajçak ka vlerësuar se në kuadër të procesit të Berlinit janë bërë shumë gjëra të dobishme për njerëzit e rajonit.
“Në përvjetorin e 10-të, mesazhet ishin shumë të qarta: është arritur shumë për njerëzit e rajonit, por ka ardhur koha që të bëhet realitet integrimi i Ballkanit Perëndimor në BE”, theksoi Lajçak.
Ai shtoi se ka marrë pjesë në samitin e sotëm të Procesit të Berlinit me ftesë të kancelarit gjerman Olaf Scholz.
Të tjera
Ndalja e Dialgout Strategjik, Rashiq: Mesazhi më i qartë nga SHBA deri tani, Prattipati më paralamëroi 2 ditë më herët
Lista Serbe nis fushatën me himn të Serbisë dhe premtimin për “çlirim nga Kurti”
SHBA pezulloi Dialogun Strategjik me Kosovën, Nurellari: Shuplakë për Albin Kurtin