Real Madridi po ballafaqohet me një krizë në fazën e mbrojtjes. Pasi u rikthye gradualisht në aksion gjatë javëve të fundit, David Alaba është lënduar sërish.
Reprezentuesi austriak ka qenë 13 muaj jashtë fushave në total pas dy operimeve, pasi përveç se kishte këputur ligamentin ai e lëndoi rëndë edhe meniskusin.
Alaba ka pësuar një lëndim të muskujve hamstring në stërvitjen e fundit para duelit me Leganes në Kupën e Mbretit.
Kjo do të thotë se ai nuk do të luajë ndaj Atletico Madridit në vikend si dhe do të humbasë takimin e rëndësishëm ndaj Manchester Cityt në Ligën e Kampionëve.
Kjo e lë Real Madridin me vetëm dy opsione në qendër të mbrojtjes – Jesus Vallejo, i cili ka luajtur vetëm 10 minuta këtë sezon dhe Raul Asencio.
Tchouameni me gjasë do të duhet që të luajë në qendër të mbrojtjes së bashku me Asencion, por në të kaluarën ishte sugjeruar se edhe Ferland Mendy mund të përdoret në atë pozicion.
Të tjera
Presidentja Osmani ngushëllon familjen Gashi për ndarjen nga jeta të Nazif Gashit
Trajnerja e njohur Andreja Ojstersek vjen në Kosovë për të udhëhequr kampin për të rinj
Arsyet pse duhet të pini lëng të shegës çdo ditë