Aktuale, Lajme

Dy vjet nga marrëveshja e Brukselit, zbatimi i saj s’duket në horizont

Posted on by botaelajmeve

Zbatimi i Marrëveshjes Bazë të Brukselit dhe Aneksit të Ohrit mes Kosovës dhe Serbisë nuk duket në horizont edhe dy vjet pas dakordimit të saj. Megjithatë, ky dokument nga njohësit e këtij procesi konsiderohet se mbetet i detyrueshëm për të dyja palët dhe bazë për negociatat e mëtejme për normalizimin e marrëdhënieve dhe rrugën drejt integrimit në Bashkimin Evropian.

Kosova dhe Serbia, me ndërmjetësimin e Bashkimit Evropian, në shkurt të vitit 2023 kanë arritur marrëveshjen bazë në Bruksel, ndërkaq pas një muaji, më 18 mars janë pajtuar për aneksin e zbatimit të saj në Ohër të Maqedonisë së Veriut.

Kur po bëhen dy vjet nga aneksi i Ohrit, Serbia, rishtas shkeli këtë ujdi me rastin e heqjes nga rendi i ditës për të qenë mysafire speciale në Komitetin për Çështje Politike dhe Demokraci të Asamblesë Parlamentare të KiE-së. Kjo u dënua edhe nga Bashkimi Evropian.

Ish ambasadori i Kosovës në Gjermani, Skender Xhakaliu, ka thënë se Marrëveshja e Brukselit nuk ka gjetur zbatim deri tani, mirëpo ajo është e obligueshme për palët.

Ai ka shtuar se në bazë të emrave të rinj në Bruksel pret iniciativa konkrete nga ndërmjetësuesit në dialog.