Arrestohet një nga sulmuesit e ushtarëve të KFOR-it, Sveçla: Kosova nuk do të jetë kurrë zonë e rehatisë për kriminelë e terroristë

Ministri në dorëheqje i Punëve të Brendshme, Xhelal Sveçla ka bërë të ditur se është arrestuar një nga personat që sulmoi dhunshëm pjesëtarët e KFOR-it në Zveçan, disa prej të cilëve mbetën me pasoja të përjetshme.

Sveçla në një postim në Facebook shkruan se Kosova nuk ka qenë dhe nuk do të jetë kurrë zonë e rehatisë për kriminelë e terroristë.

“Arrestohet edhe një nga terroristët që dhunshëm sulmoi pjesëtarët e KFOR-it në Zveçan, disa prej të cilëve mbetën me pasoja të përjetshme.

Asnjë kriminel e terrorist nuk do ta ndjejë lirinë për aq kohë sa ka cenuar rendin tonë kushtetues, punën e institucioneve tona, detyrën e zyrtarëve tanë e personelit ndërkombëtar.  Mbi ta do të veprohet pa asnjë kompromis siç presim që edhe drejtësia të veprojë në linjë të tillë.