Reshjet e dendura të shiut që ranë gjatë së dielës kanë shkaktuar vërshime në disa pjesë të qytetit të Pejës, duke krijuar probleme të shumta për banorët dhe duke dëmtuar infrastrukturën lokale.
Sipas pamjeve të publikuara në rrjetet sociale, disa rrugë kryesore dhe lagje të qytetit, veçanërisht ato në zonat periferike, janë përmbytur, çka ka vështirësuar ndjeshëm qarkullimin e automjeteve dhe lëvizjen e këmbësorëve.
Raportohet se përveç reshjeve të mëdha, bllokimi i kanalizimeve ka ndikuar rëndë në përkeqësimin e situatës, duke bërë që uji të depërtojë edhe nëpër oborre dhe hapësira të brendshme të shtëpive private.
Deri në këto momente, Komuna e Pejës nuk ka dalë me ndonjë njoftim zyrtar lidhur me gjendjen aktuale, masat që po ndërmerren ose ndihmën që do t’u ofrohet qytetarëve të prekur.
Të tjera
Ushqimet që duhet të hani në mëngjes për uljen e tensionit të lartë
Përballja prishtinase mbyllet baras, fitojnë Ferizaj dhe Drenica
Ndikimi i lëngut të panxharit në uljen e tensionit të lartë