Tymi i zi në Vatikan, dështon dhe raundi i dytë i zgjedhjes së Papës së ri

Nga oxhaku i Kapelës Sistine është ngritur mëngjesin e kësaj të enjteje tym i zi, duke sinjalizuar se kardinalët nuk kanë arritur ende një marrëveshje për zgjedhjen e Papës së ri gjatë dy raundeve të para të votimit.

Kjo tregon se asnjë kandidat nuk ka marrë shumicën e nevojshme prej dy të tretash.

Pas pushimit të mesditës, procesi i votimit do të rifillojë me dy raunde të tjera gjatë pasdites, çka mund të sjellë një zhvillim të rëndësishëm. Vlen të përmendet se dy papët e fundit, Papa Benedikti XVI dhe Papa Françesku, janë zgjedhur pikërisht në ditën e dytë të konklavës, duke e lënë të hapur mundësinë për një vendim historik.e.n.