Ushtarët amerikanë dhe Shoqata e Kërkim-Shpëtimit e Kosovës, me stërvitje të përbashkët

Ushtarët amerikanë në Komandën Rajonale Lindore të misionit KFOR, së fundmi u bashkuan me Shoqatën e Kërkim-Shpëtimit e Kosovës për një stërvitje tre-ditore.

Në njoftimin e misionit paqeruajtës u tha se kjo stërvitje kontribuon në mënyrë thelbësore në suksesin e përgjithshëm të KFOR-it.

“Partneritetet me elementët e reagimit ndaj emergjencave në Kosovë kontribuojnë në mënyrë thelbësore në suksesin e përgjithshëm të misionit të KFOR-it. Këto përpjekje kanë efekte afatgjata në mbështetjen e të gjitha komuniteteve që jetojnë në Kosovë”, u tha në postimin e KFOR-it.