Nasim Haradinaj, ish-nënkryetar i Organizatës së Veteranëve të Luftës së Ushtrisë Çlirimtare të Kosovës (OVL-UÇK), ka reaguar ashpër ndaj mënyrës se si u organizua protesta para dy javësh në Prishtinë, e cila ishte drejtuar kundër Kryetares së Dhomave të Specializuara të Kosovës, Ekaterina Trendafilova.
Në një deklaratë publike, Haradinaj e cilësoi protestën si “për marre dhe qyqarllëk”, duke kritikuar faktin që OVL-UÇK, sipas tij, nuk pati guximin ta merrte zyrtarisht përgjegjësinë për organizimin e saj.
“OVL ka nevojë të bëjë thirrje e jo të punojë në ilegalitet. Pozitive aty është që efekti u arrit dhe Trendafilova nuk mbajti konferencë”, tha Haradinaj, duke iu referuar faktit që protesta rezultoi në anulimin e një paraqitjeje publike të Kryetares së Dhomave të Specializuara.
Haradinaj theksoi se ndonëse ishte i kënaqur me rezultatin e protestës, mbeti i zhgënjyer nga mungesa e guximit për ta pranuar publikisht thirrjen për protestë.
“Isha i kënaqur me efektin, por i pakënaqur për mosguximin e pranimit të thirrjes, qoftë edhe simbolike të asaj proteste”, theksoi për Klan Kosova.
Deklaratat e tij vijnë në një kohë kur raportet ndërmjet institucioneve vendore dhe Dhomave të Specializuara mbeten të tensionuara, sidomos pas aktakuzave të ngritura ndaj disa ish-krerëve të UÇK-së në Hagë.
Të tjera
Punime në rrjet, KEDS tregon ku do të ketë ndërprerje të rrymës të shtunën
Llojet më të shpeshta të alergjive
SHBA ofron deri në 10 milionë dollarë shpërblim për informacione mbi liderët iranianë