Konservatori Karol Nawrocki fitoi balotazhin e zgjedhjeve presidenciale të fundjavës në Poloni, sipas numërimit përfundimtar të votave të hënën. Nawrocki fitoi 50.89% të votave në një garë shumë të ngushtë kundër kryetarit liberal të Varshavës, Rafał Trzaskowski, i cili mori 49.11%.
Gara e vuri në pah, që nga raundi i parë i votimit dy javë më parë, përçarje të thella në vend ndërmjet krahut lindor të NATO-s dhe Bashkimit Evropian, raporton AP.
Rezultati sugjeron që Polonia pritet të ndjekë një rrugë më populiste dhe nacionaliste nën udhëheqjen e saj të re, që u mbështet nga presidenti i SHBA-së, Donald Trump.
Roli i një presidenti në Poloni
Nawrocki do të pasojë Andrzej Dudën, një konservator, mandati i të cilit përfundon më 6 gusht.
Pushteti, në sistemin politik polak, i takon një kryeministri të zgjedhur nga Parlamenti. Megjithatë, roli i presidentit nuk është thjesht ceremonial. Zyra ka fuqinë për të ndikuar në politikën e jashtme dhe për të vënë veton mbi legjislacionin.
Sipas kushtetutës polake, presidenti shërben një mandat pesëvjeçar dhe mund të rizgjidhet një herë.
Të tjera
Osmani në sinkron me opozitën, duket se ka një skenar
Dy yjet kosovarë të Counter-Strike2 sot përballë njëri-tjetrit për një vend në finale të ESL Pro League
Vendet ku nuk duhet t’i fshihni kurrë paratë tuaja