Franca e mposht Gjermaninë në luftën për vendin e tretë

Franca e ka siguruar vendin e tretë në UEFA Nations League.

“Gjelat” e mposhtën Gjermaninë me rezultat 2:0.

Takimi u zhvillua në një atmosferë të zjarrtë, me dy kombëtare të mëdha që synonin mbylljen në mënyrën më të mire të këtij sezoni.

Ishte Kylian Mbappé ai që hapi serinë e golave, duke shënuar në minutën e 45-të pas një aksioni të shpejtë dhe të organizuar nga “Les Bleus”, transmeton Klankosova.tv.

“Die Mannschaft”, tentuan të kthehen në lojë në pjesën e dytë, por nuk arritën të gjejnë rrugën drejt rrjetës.

Përkundrazi, francezët e dyfishuan epërsinë me Michael Olise, I cili vulosi fitoren në minutin e 84-të, me një goditje të saktë nga brenda zonës.

Me këtë fitore, Franca siguron vendin e tretë në garën prestigjioze të UEFA Nations League, ndërsa Gjermania mbetet jashtë podiumit.

Ndërkohë, në orën 21:00 pritet të zhvillohet finalja e madhe mes Spanjës dhe Portugalisë, ku do të mësohet kampioni i ri i këtij edicioni.

Aty, përballë njëri tjetrit do të jenë Cristiano Ronaldo dhe Lamine Yamal.

Mbetet të shihet se kujt do t’I takojë ky trofe