Irani është gati të shqyrtojë diplomacinë sapo të ndalet ‘agresioni’

Ministri i Jashtëm i Iranit, Abbas Araghchi është deklaruar para mediave pas bisedimeve në Gjenevë.

Araghchi u tha gazetarëve se Irani është “gati të shqyrtojë përsëri diplomacinë sapo të ndalet agresioni” dhe “agresori të mbahet përgjegjës për krimet e kryera”, shkruan BBC, transmeton Klankosova.tv.

Ai shtoi se programi bërthamor i Iranit është paqësor dhe se sulmet ndaj tij janë shkelje e ligjit ndërkombëtar, duke shtuar se Irani do të vazhdojë të “ushtrojë të drejtën e tij legjitime të vetëmbrojtjes”.

“E bëj të qartë si kristali se aftësitë mbrojtëse të Iranit janë të panegociueshme”, shtoi ministri iranian.