Presidentja e Kosovës, Vjosa Osmani, do t’i thërrasë liderët e partive politike në takime gjatë ditëve në vijim, për shkak të situatës me ngërçin politik.
Kështu ka njoftuar Bekim Kupina, këshilltar për Media i Presidencës së Kosovës për RTKlive.
“Presidentja e Kosovës, Vjosa Osmani, do t’i thërrasë liderët e partive politike në takime gjatë ditëve në vijim”, ka konfirmuar ai.
Më tej Kupina ka bërë të ditur se presidentja Osmani pret që partitë e përfaqësuara në Kuvend ta zbatojnë Aktgjykimin e Gjykatës Kushtetuese dhe ta përfundojnë seancën konstituive brenda 30 ditësh, siç ka kërkuar Gjykata.
“Nëse paraqitet nevoja, Presidentja mbetet e gatshme t’i drejtohet Gjykatës Kushtetuese për sqarime shtesë”, ka thënë ai.
Të tjera
Irani kërkon zhvendosjen e ndeshjeve nga SHBA në Meksikë
Sporti të shëron nga bastet
Paralajmërimi për shtrenjtimin e rrymës alarmon qytetarët: “S’do mund t’ia dalim”