Komisionarja evropiane për Zgjerim, Marta Kos, në konferencën për shtyp me kryeministrin Hristijan Mickoski pas takimit me liderët e vendeve të Ballkanit Perëndimor në Shkup, paralajmëroi heqjen e plotë të roamingut për rajonin.
Kos theksoi se kjo do të jetë e mundur nëse vendet e Ballkanit Perëndimor punojnë në ndryshime ligjore që do të lehtësojnë zbatimin e këtij vendimi, duke shtuar se kjo mund të ndodhë që nga 1 janari i vitit 2026.
“Nëse vërtet punojmë fort, dhe e di që ju liderët jeni të gatshëm ta bëni këtë, që do të kërkojë shumë reforma dhe ndryshime në legjislacion, atëherë mund të kemi roaming falas për vendet e Ballkanit Perëndimor prej 1 janarit 2026,” tha Komisionarja Kos.
Ajo shtoi se kjo do të ndihmojë që qytetarët e Ballkanit Perëndimor dhe ata të BE-së të komunikojnë në telefon pa tarifa shtesë.
Kryeministri Mickoski u shpreh optimist dhe i përkushtuar që Maqedonia e Veriut do të përmbushë kushtet e nevojshme për realizimin e kësaj iniciative.
Të tjera
Kreu i Kushtetueses në Hagë me ftesë të Gjykatës Supreme të Holandës
IKSHPK apelon të mos përdoret uji i Badocit për pije
Vasfije Krasniqi-Goodman për UÇK-në: Shpëtimtarët e jetës sime