Super talenti shqiptar në Zvicër, Labinot Bajrami, transferohet te Helmond Sport

Futbollisti 20-vjeçar Labinot Bajrami, i konsideruar si një nga talentët më premtues shqiptarë në Zvicër, ka zyrtarizuar kalimin e tij në ligën holandeze. Pas një paraqitjeje mbresëlënëse me ekipin e të rinjve të FC Zürich, Bajrami ka nënshkruar kontratë trevjeçare me skuadrën e njohur, Helmond Sport.

Ky transferim shihet si një hap i rëndësishëm në karrierën e tij, ndërsa klubi holandez ka besim të madh në potencialin dhe zhvillimin e tij të mëtejshëm.
Bajrami pritet të bashkohet menjëherë me ekipin në fazën përgatitore për sezonin e ri, shkruan botaelajmeve.

Ky hap i ri në karrierën e Labinot Bajramit është dëshmi e përkushtimit dhe talentit të tij, dhe një shembull frymëzues për të gjithë të rinjtë shqiptarë në diasporë. I urojmë shumë suksese në aventurën e tij të re në Holandë, me shpresën që kjo të jetë vetëm një ndër ndalesat drejt majave të futbollit europian./Botaelajmeve