Kryetari i Këshillit Kombëtar, Enkel Rexhepi ka treguar se si gjatë ditës së sotme kryetari i Trupit Koordinues, Aleksandar Martinoviq e u.d. së drejtorit të shërbimit të TK në Bujanoc, Nenad Mitroviq u befasuan me flamurin e vendosur në hapësirat e selisë së KKSh-së, në një takim i cili ishte thirrur me kërkesë së të Trupit Koordinues.
Rexhepi tha se qysh nga kërkesa për takim, e ashtu edhe gjatë organizimit të detajeve të takimit, nga zyrtarët e Trupit Koordinues kishte tendenca dashakeqe që si i tillë të dështoj.
“Por sigurisht tendencat ishin që barra e fajit për dështimin e takimit të bie mbi Këshillin Kombëtar Shqiptar”.
Sipas tij, fillimisht, kërkesa e tyre ishte që takimi të mbahej në ambientet e shërbimit të Trupit Koordinues në Bujanoc, e pas refuzimit të Rexhepit, kërkesa e rradhës, edhe më absurde se e para, ishte që takimi të mbahet në, siç thonin ata “lokacion neutral”, gjegjësisht në Sallën e vogël të Shtëpisë së Kulturës në Bujanoc.
“Këto kërkesa absurde, që në thelb përbëjnë mosnjohjen e Këshillit Kombëtar, si institucioni i vetëm që përfaqëson shqiptarët, nga ana jonë morën përgjigjen definitive, që takimi duhet të mbahet në hapësirat e Selisë së KKSh.Edhe pas dakordimit përmes komunikimit zyrtar mes Trupit Koordinues dhe shërbimit të Këshillit, kërkesa tjetër ishte që takimi të mbahet, por në ambiente ku nuk ka asnjë flamur të vendosur”.Për më shumë lexoni reagimin e Rexhepit në rrjetin social në Facebook.
Të tjera
E rrezikshme gjuha e Osmanit ndaj gazetarëve, të ruaj lirinë e mediave
Shqipëria dënon shkeljen e hapësirës ajrore të Polonisë nga Rusia
Adoleshentët që kalojnë më shumë se 9 orë në rrjetet sociale rrezikohen nga depresioni