Zëdhënësi i Vetëvendosjes, Arlind Manxhuka ka reaguar pas akuzave që janë bërë se kjo parti po e shfrytëzon ngjarjen në Ujman për ta lavdëruar FSK-së e cila i është bashkuar kërkimeve.
Manxhuka ka thënë se ata që ditë më parë e përdorin këtë rast për ta sulmuar VV-në, sot po akuzojnë.
Ai ka thënë se fakti që FSK është për herë të parë në atë pjesë të vendit është ngjarje historike.
“Këta që dje përdorën tragjedinë e një qytetari të zhdukur në Ujman për të sulmuar VV-në, sot akuzojnë VV-në se po e shfrytëzon këtë ngjarje për t’u lavdëruar me FSK-në. Tragjedia është fatkeqësi. Ekipet e FSK-së janë aty pikërisht për shkak të saj. Por fakti që për herë të parë Ushtria e Kosovës shkon në atë pjesë është ngjarje historike dhe si e tillë duhet të shënohet.Është tjetër gjë që Policia dhe Ushtria, për nga natyra e misionit të tyre, angazhohen kryesisht në ngjarje të rënda, jo në festa. Po të ndjekim logjikën e portaleve që e quajnë këtë “shfrytëzim”, atëherë s’do kishte kuptim as krenaria që ndjejmë për çdo akt heroik në historinë tonë”, ka shkruar ai.
Të tjera
Si të përgatisni një supë të shpejtë që jua lehtëson stomakun
Stërvitjet ushtarake serbe pranë kufirit rrisin tensionet në rajon
Spitali i Pejës bën apel, kujdes me ushqimin për festën e Bajramit