Administrata e presidentit amerikane ka marrë vendim për vazhdimin e Kompaktit të MCC për Kosovën, përcjell KosovaPost.
Këtë e ka bërë të ditur presidentja e Kosovës, Vjosa Osmani e cila ka thënë se për këtë vendim është njoftuar nga Zv. Sekretari amerikan i Shtetit, Christopher Landau
Osmani ka thënë se ky është një lajm i shkëlqyeshëm për Kosovën duke shprehur mirënjohje ndaj ShBA-së.
“Pas takimeve të shkëlqyeshme në Washington D.C ku diskutuam për rëndësinë e Kompaktit të MCC për Kosovën, jam informuar edhe zyrtarisht nga Zv. Sekretari amerikan i Shtetit, Christopher Landau, se Administrata Trump ka miratuar vazhdimin e këtij programi për Kosovën — një program me ndikim transformues për sektorin e energjisë dhe zhvillimin ekonomik të vendit tonë. Lajm i shkëlqyeshëm për Kosovën!Mirënjohje e thellë për Shtetet e Bashkuara të Amerikës”, ka shkruar Osmani.
MCC është një agjenci e pavarur e qeverisë së SHBA-së që ndihmon vendet në zhvillim të zvogëlojnë varfërinë përmes rritjes ekonomike.
Të tjera
Punime në rrjet, KEDS tregon se ku do të ketë ndërprerje të rrymës të hënën
Kosova po fuqizon industrinë e mbrojtjes, duhet anëtarësim në NATO
Kryetari i Zveçanit urdhëron heqjen e fotografisë së Ratko Mlladiqit nga muret e qytetit