Një grua është gjetur pa shenja jete në banesën e saj në Prishtinë, ndërsa rasti po hetohet nga autoritetet kompetente.
Ngjarja është raportuar më 26 qershor, rreth orës 17:05, në rrugën “Nazim Gafurri” në Prishtinë.
Në vendin e ngjarjes kanë dalë njësitet policore, hetuesit dhe ekipet e forenzikës, ku trupi i viktimës është gjetur në njërën nga dhomat e banesës.
Ekipi mjekësor i Emergjencës ka konstatuar vdekjen e saj, ndërsa sipas të dhënave fillestare, në trupin e viktimës nuk janë vërejtur shenja dhune.
Pas konsultimit me prokurorin kujdestar të Departamentit për Krime të Rënda, rasti është iniciuar si “Hetim mbi vdekjen”. Me urdhër të prokurorit, trupi i pajetë është dërguar në Institutin e Mjekësisë Ligjore për obduksion.
Autoritetet kanë nisur hetimet për të zbardhur rrethanat e vdekjes./Sinjali/
Të tjera
15 përsona ndiqen penalisht nga Policia e Tiranës, në ditën e 28-të të protestes
KQZ-ja cakton afatin për ankesa kundrejt rezultatit zgjedhor
Boronica e kuqe, antibakteriali i fuqishëm natyral