Eurostat: 86% e qytetarëve në Shqipëri përdorin internetin, të rinjtë në krye të listës

Të dhënat e fundit të Eurostat tregojnë se 86% e qytetarëve në Shqipëri janë përdorues të internetit, ndërsa tek të rinjtë 16-29 vjeç ky numër arrin në mbi 99%, duke e tejkaluar me 2% mesataren europiane prej 97%.

Në Shqipëri, ashtu si në vendet e BE-së, të rinjtë kanë shumë më tepër gjasa të jenë aktivë në rrjetet sociale krahasuar me popullsinë totale. Krijimi i profileve personale, postimi i mesazheve dhe aktiviteteve online mbeten ndër praktikat më të përhapura tek kjo grupmoshë.