Qeveria në detyrë e Republikës së Kosovës ka mbajtur sot një mbledhje elektronike, ku ka marrë disa vendime të rëndësishme financiare për komunat, bizneset dhe institucionet publike.
Në këtë mbledhje, kabineti qeveritar ka miratuar:
- Ndarjen e 24,236.29 eurove për Komunën e Mitrovicës së Veriut, si dhe shtimin e dhjetë pozitave të reja të punës në këtë komunë;
- Transferimin e 2.3 milionë eurove nga Ministria e Industrisë, Ndërmarrësisë dhe Tregtisë për përkrahjen e ndërmarrjeve mikro, të vogla dhe të mesme në blerjen e makinerive të avancuara prodhuese dhe përpunuese;
- Kthimin e 489,932.72 eurove nga Agjencia Kosovare e Privatizimit në Buxhetin e Republikës së Kosovës për Ndërmarrjen Shoqërore PRN046 “FAN Zahir Pajaziti”;
- Miratimin në parim të huamarrjes deri në 2.54 milionë euro për Radio Televizionin e Kosovës, për të siguruar likuiditetin financiar të transmetuesit publik.
Vendimet pritet të hyjnë në fuqi pas përfundimit të procedurave të rregullta ligjore.
Të tjera
Çka mendon Gërvalla për Rexhep Selimin – mohon të ketë bashkëpunuar me Gjykatën Speciale
Protestojnë 6 redaktorë të RTK-së, Menaxhmenti: Nesër dalim me qëndrim
Rusia, Kina e Irani po përpiqen të destabilizojnë Ballkanin – Kosova nuk flirton me fuqi malinje