Organizata e Veteranëve të Luftës së Ushtrisë Çlirimtare të Kosovës (OVL-UÇK) ka paralajmëruar mbajtjen e një konference për media, e cila do të mbahet sot duke filluar nga ora 14:00. Konferenca do të mbahet në ambientet e OVL-UÇK-së.
Ndryshe, mërgata shqiptare, në bashkëpunim me kategoritë e dala nga lufta e Ushtrisë Çlirimtare të Kosovës (UÇK), ka paralajmëruar organizimin e një proteste tjetër në Hagë, me qëllim të shprehjes së mbështetjes ndaj ish-pjesëtarëve të UÇK-së që aktualisht po përballen me procese gjyqësore në Dhomat e Specializuara.
Protesta do të mbahet më 14 shtator 2025, duke filluar nga ora 14:00, përpara ndërtesës së Dhomave të Specializuara në Hagë, rasporton RTKlive.
Ky tubim është pjesë e një sërë protestash të vazhdueshme që kanë për qëllim të dëshmojnë përkushtimin e bashkatdhetarëve në diasporë për drejtësi dhe të kërkojnë një trajtim të drejtë e të paanshëm për ata që kontribuuan në luftën për çlirimin e Kosovës.
Organizatorët ftojnë të gjithë qytetarët shqiptarë kudo që ndodhen, veçanërisht në mërgatë, që t’u bashkohen kësaj proteste paqësore dhe dinjitoze, për të shprehur solidaritetin e tyre me vlerat e luftës çlirimtare dhe me ish-luftëtarët që ndodhen në përballje gjyqësore.
Të tjera
Bllokohet propozimi i Cvijanoviqit për ta nominuar Trumpin për Çmimin Nobel
Opozita nuk është e interesuar për konstituim të Kuvendit
Policia gjen në Zveçan fletushka me thirrje për vendosjen e flamurit të Serbisë nëpër objekte