Policia e Kosovës do të ketë ekipin e saj nga ky sezon në garat e futsallit.
Lajmin e ka bërë të ditur faqja Federata e Futbollit e Kosovës në Futsal (FFK Futsal) në rrjetin social Facebook, duke thënë se ndihen të nderuar me ardhjen e ekipit të ri të Policisë së Kosovës.
Sipas FFK Futsal, ky hap është dëshmi e qartë se futsali në Kosovë po rritet e po zgjerohet çdo vit, duke tërhequr pas vetes gjithnjë e më shumë institucione, organizata dhe komunitete.
“Pjesëmarrja e Policisë së Kosovës jo vetëm që i jep garës një dimension të ri, por gjithashtu sjell vlera të forta të disiplinës, përkushtimit dhe frymës së ekipit vlera që janë thelbësore si në sport ashtu edhe në jetën e përditshme”.
“Jemi të bindur se ky ekip do të japë kontribut të rëndësishëm në promovimin e lojës së bukur të futsalit dhe do të shërbejë si shembull i bashkëpunimit mes sportit dhe institucioneve tona shtetërore”, deklaroi FFK Futsal.
Federata tha se synojnë të ndërtojnë një futsal më të fortë dhe më të dashur për të gjithë.
Të tjera
Punime në rrjet, KEDS tregon se ku do të ketë ndërprerje të rrymës të hënën
Kosova po fuqizon industrinë e mbrojtjes, duhet anëtarësim në NATO
Kryetari i Zveçanit urdhëron heqjen e fotografisë së Ratko Mlladiqit nga muret e qytetit