Deputeti nga radhët e koalicioni LVV-Guxo, Haxhi Avdyli, ka folur për media para vazhdimit të seancës konstituive të Kuvendit të Kosovës.
Avdyli tha se PDK-ja nuk mund t’ua caktojë atyre emrin e kryeparlamentarit.
“Nuk e kanë atë lluks që PDK-ja të na caktojë emrin e kryeparlamentarit. Ne i ftojmë për dialog, ne i ftojmë për bashkëbisedim të gjetjes së një uniteti dhe të krijimit të institucioneve”, deklaroi Avdyli.
Ai theksoi se për Qeveri nuk e kanë ndërmend të kërkojnë përkrahje nga opozita.
Kjo është seanca e tretë konstituive pas shpalljes së aktgjykimit të Gjykatës Kushtetuese.
Në seancën e kaluara dështuan për t’i marrë votat, Albulena Haxhiu, Donika Gërballa dhe Hekuran Murati.
Mbetet të shihet se kush do të propozohet sot dhe nëse do të arrijë t’i marrë votat.
Të tjera
Punime në rrjet, KEDS tregon se ku do të ketë ndërprerje të rrymës të hënën
Kosova po fuqizon industrinë e mbrojtjes, duhet anëtarësim në NATO
Kryetari i Zveçanit urdhëron heqjen e fotografisë së Ratko Mlladiqit nga muret e qytetit