Kurti: Po punojnë me përkushtim për gjetjen e të zhdukurve

Sot shënohet Dita Ndërkombëtare e të Zhdukurve me Dhunë në Kosovë, duke kujtuar fatin e mijëra personave që u zhdukën gjatë luftës.

Në shënim të kësaj dite, përfaqësues të institucioneve shtetërore bënë homazhe te Monumenti i Personave të Zhdukur, duke nderuar kujtimin e tyre dhe duke shprehur përkushtimin për zbardhjen e fatit të tyre.

Kryeministri në detyrë, Albin Kurti, bëri të ditur se institucionet shtetërore po punojnë me përkushtim për gjetjen e të zhdukurve.

“Vetëm gjatë vitit të fundit kemi gjurmuar mbi 23 lokacione të ndryshme, ndërsa këtë vit kemi realizuar 18 aktivitete kërkimore për zbulimin e mbetjeve mortore të më të dashurve tanë,” tha Kurti.

Aktualisht, në Kosovë ende figurojnë të zhdukur rreth 1,600 persona, fati i të cilëve mbetet ende i panjohur.