Agjencia për Informim dhe Privatësi (AIP) ka evidentuar disa raste të mashtrimeve digjitale që qarkullojnë në rrjetet sociale dhe platformat online, ku shfrytëzohen emrat e personazheve publikë, bizneset e njohura dhe oferta të rreme kredie.
Sipas AIP, format më të shpeshta të mashtrimeve janë: keqpërdorimi i imazheve të artistëve për reklama mashtruese, oferta të rreme kredie në emër të bankave, postime që premtojnë kuponadhurata në emër të marketeve si “VivaFresh” dhe “ETC”, si dhe konkurse online që mbledhin të dhëna personale duke përdorur logot e institucioneve dhe kompanive të njohura.
AIP apelon tek qytetarët që të kontrollojnë burimet zyrtare, të verifikojnë ofertat për kredi dhe dhurata, të mos ndajnë të dhëna personale, të kontrollojnë adresat e faqeve, të mos ndërveprojnë me përmbajtje të dyshimta dhe të raportojnë çdo rast mashtrimi.
“Ne jemi të përkushtuar për mbrojtjen e të dhënave personale të qytetarëve dhe sigurinë e tyre, dhe do të vazhdojmë bashkëpunimin me institucionet për identifikimin e faqeve mashtruese dhe ndërmarrjen e masave ligjore ndaj shkelësve,” thuhet në njoftimin e Agjencisë./RTK/
Për më shumë informacion, qytetarët mund të kontaktojnë AIP në: www.aip-rks.org info@aip-rks.org
Të tjera
Dita 694 – Kundërsulmi i Rezistencës Palestineze shkakton tronditje në Ushtrinë Izraelite
Më përpara e pr*es dorën, se t’i jap voten PËR Listës Serbe
Si përfundim, a do të kthehet Arbana Osmani në ekran këtë sezon të ri televiziv?