Zgjedhja e Emilia Rexhepit ndaras nga nënkryetari serb, Arben Gashi: Gabim teknik, menduam se po votojmë në pako

Deputeti i LDK-së, Arben Gashi, ka thënë se votimi i deputetes Emilia Rexhepi për nënkryetare të Kuvendit nga komunitetet pakicë jo-serbe ka qenë gabim teknik pasi kanë menduar se po e votojnë në pako bashkë me nënkreytarin serb, dhe jo veçmas.

“Ai ishte një veprim që nuk ka qenë i parashikuar, dhe sipas asaj që kuptova, thjesht ka qenë një gabim teknik, sepse nuk ka dashur të marrë pjesë. Por, pasi nuk e ka pritur që po ndodh diçka e tillë, për mendimin tim, ishte një gabim teknik”, ka thënë Gashi.

Ndarja e votimit të nënkreytarëve tashmë e ka futur Kuvendin në një ngërç të ri. Mosvotimi i kandidaturës së Listës Serbe dhe procedimi me short i kandidaturave ku përfshihet edhe Nenad Rashiq, duket se do të jetë çështje trajtimi në Gjykatë Kushtetuese.

Nga të gjitha kandidaturat me short, asnjëra s’ka marrë votat e mjaftueshme. Nenad Rashiq ka edhe një mundësi të vetme, pasi ka shpenzuar dy herë dhe ka dështuar të marrë 61 vota.