Michael Salisbury, gjyqtari i VAR-it në qendër të fitores së diskutueshme të Chelseat kundër Fulhamit të shtunën, është hequr nga detyrat e tij përpara ndeshjes mes Liverpoolit dhe Arsenalit në “Anfield”.
Salisbury është zëvendësuar nga John Brooks pasi Bordi i Zyrtarëve të Ndeshjeve Profesionale (PGMOL) pranoi se ishte bërë një gabim në anulimin e golit hapës të Fulham në “Stamford Bridge”.
Goli i Josh King u anulua pas një rishikimi të gjatë nga VAR, me Salisburyn që i kërkoi gjyqtarit kryesor Robert Jones të shihte monitorin për të vlerësuar një faull të Rodrigo Muniz në aksionin paraprak.
PGMOL e pranoi se incidenti nuk e kalonte “nivelin e lartë” të kërkuar për ndërhyrje dhe se nuk ishte një gabim i qartë dhe i dukshëm, duke shtuar se vendimi duhej të mbetej “thirrja e gjyqtarit”.
Chris Kavanagh mbetet gjyqtari kryesor në fushë për ndeshjen Liverpool–Arsenal, ndërsa Brooks do të jetë në VAR.
Sfida fillon nga ora 17:30 dhe mund ta shikoni në Art Motion në kanalin SuperSport 2.
Të tjera
Ngërçi në Kuvend dëmton imazhin e Kosovës si histori suksesi
Si poshtërimi nga Trump e shtyu Modin drejt ‘krahëve’ të Putinit dhe Xi-së
Zbulohet plani “amerikan” për ta kthyer Gazën në rivierën e Lindjes së Mesme