Kurti takon ambasadoren e re të Finlandës – E falënderon për mbështetjen e vazhdueshme ndaj Kosovë

Kryeministri në detyrë i Kosovës, Albin Kurti, ka pritur sot ambasadoren e re të Finlandës në Prishtinë, Eevamari Laaksonen.

Ai i uroi mirëseardhje dhe suksese në detyrën e saj, duke vlerësuar mbështetjen e vazhdueshme të Finlandës para dhe pas shpalljes së pavarësisë së Kosovës.

Kurti theksoi progresin demokratik dhe ekonomik të vendit dhe falënderoi Finlandën për ndihmën në shtet-ndërtim dhe forcimin e institucioneve demokratike.

Ai po ashtu shprehu përkushtimin për thellimin e bashkëpunimit në arsim, inovacion, teknologji, si dhe në fushën e mbrojtjes dhe sigurisë.