S’e kam lexuar artikullin e Bashës, ma ka thënë respektin për UÇK

Presidentja Vjosa Osmani është pyetur për artikullin e Dimal Bashës ndaj UÇK-së, e cila ka thënë se përgjigja e tij për rastin është vendimtare.

Ajo ka thënë se duhet luftuar dezinformimi dhe propaganda ndaj luftës së UÇK-së.

“Nuk e kam lexuar ende, i kam dëgjuar shqetësimet dhe besoj që përgjigja që ai e ka dhënë është përgjigja që duhet ta merrni, sepse, si presidente e vendit, nuk kam mundësi të merrem me punimet të cilat politikanët e Kosovës i kanë bërë në kohën kur kanë qenë studentë. Si kryetar i Kuvendit, Basha vazhdimisht ma ka konfirmuar respektin e plotë dhe të madh për sakrificën e popullit të Kosovës që është bërë për liri, për luftën e drejt të UÇK-së dhe natyrisht që ne do të bashkëpunojmë për mbrojtjen e kësaj lufte nga dezinformimi dhe propaganda e vazhdueshme serbe dhe nga pretendimet për ta rishkruar historinë”, ka thënë ajo.