Kryeministri në detyrë i Republikës së Kosovës, Albin Kurti, mirëpriti sot në takim Koordinatorin e ri për Zhvillim të Kombeve të Bashkuara në Kosovë, Stephen O’Malley, të cilin e uroi për emërimin dhe i shprehu mirëseardhje në Kosovë.
Sipas një njoftimi për media, Kurti vlerësoi lart bashkëpunimin e vazhdueshëm me ekipin e OKB-së në Kosovë (UNKT) si partner të besueshëm në forcimin e qeverisjes dhe zhvillimin e qëndrueshëm.
Ai e falënderoi për mbështetjen afatgjate të dhënë për Kosovën.
“Gjatë takimit u theksuan disa prej bashkëpunimeve më të suksesshme në luftën kundër korrupsionit, edukimin e hershëm, trashëgiminë kulturore e banimin social. U ritheksua gatishmëria e qeverisë për të thelluar partneritetin me UNKT në drejtim të: zhvillimit të kapitalit njerëzor përmes arsimit gjithëpërfshirës, shëndetësisë cilësore, mbrojtjes sociale, sundimit të ligjit e qeverisjes së mirë”, thuhet në njoftim.
Të tjera
Pezullimi i Dialogut Strategjik, SHBA sigurojnë që do jenë mik i ngushtë i popullit të Kosovës
Edhe tre gazetarë të tjerë u ma*rtirizuan në Ga*zza
Aleanca Kosovë-Shqipëri-Kroaci, me plan për ushtrime shumëkombëshe ose të NATO-s