Zëvendëskryeministri i parë në detyrë për Integrim Evropian, Zhvillim dhe Dialog, Besnik Bislimi, ka mirëpritur bursistët e raundit të XIV të Skemës së Profesionistëve të Rinj (YCS). Në takim morën pjesë edhe zëvendësministri i Punëve të Brendshme, Bardhyl Dobra, si dhe ambasadori i BE-së në Kosovë, Aivo Orav, transmeton KosovaPost.
Bëhet e ditur se bursistët, të diplomuar në universitete prestigjioze evropiane, do t’i bashkohen administratës publike në fusha kyçe si integrimi evropian, drejtësia, diplomacia dhe administrata publike.
Bislimi u shprehu mirëseardhje të rinjve duke theksuar rëndësinë e përkushtimit dhe angazhimit të tyre në shërbim të institucioneve dhe qytetarëve, si dhe u zotua se Qeveria do të vazhdojë mbështetjen për këtë program, njofton zyra për informim e Kryeministrit.
Skema YCS financohet nga Bashkimi Evropian përmes fondeve IPA, me kontribut edhe nga Qeveria e Kosovës.
Të tjera
“Simboli i vrapueses dhe zgjerimi i rrugëve” – Shaqir Totaj tregon projektet për Prizrenin
Imri Ahmeti: Tubimi në Sllovi, mesazh i fuqishëm besimi dhe përkrahjeje
Ekrem Hyseni: Pas 12 tetorit, çdo kërkesë e qytetarëve do të shqyrtohet me barazi