Jashari pret në takim lamtumirës Barduanin, e falënderon për bashkëpunimin

Komandanti i FSK-së Gjenerallejtënant Bashkim Jashari priti në takim lamtumirës Komandantin e KFOR-it Gjeneral Major Enrico Barduani, transmeton KosovaPost.

Fillimisht Gjeneral Jashari falënderoi Gjeneral Barduani për shërbimin e tij si Komandant i KFOR-it, duke vlerësuar lartë bashkëpunimin dhe shprehur mirënjohje për punën e tij.

Pastaj të dy gjeneralët diskutuan për zhvillimet në FSK, trajnimet, stërvitjet, sfidat, operacionet dhe aktivitetet e tjera të FSK-së. Gjithashtu u diskutua edhe për situatën aktuale të sigurisë vendore dhe rajonale.

Në fund të takimit gjeneralët diskutuan edhe për bashkëpunimin e tanishëm në mes të FSK-së dhe KFOR-it dhe u pajtuan për nevojën e zgjerimit të këtij bashkëpunimi edhe më tutje, gjë që do të ishte në të mirën të sigurisë dhe paqes në vend dhe rajon.