Komisioni zgjedhor i Sirisë ka njoftuar rezultatet zyrtare të zgjedhjeve të para parlamentare të vendit që nga rënia e regjimit të Bashar al-Assadit, transmeton Anadolu.
Nawar Najmeh, një zëdhënës i Komitetit të Lartë për Zgjedhjet e Asamblesë Popullore, në një konferencë për media në Damask tha se rezultatet për dy të tretat e vendeve të Asamblesë Popullore janë përfundimtare dhe nuk i nënshtrohen apelimit.
Najmeh tha se presidenti Ahmad al-Sharaa do të emërojë një të tretën e mbetur të vendeve parlamentare.
“Ky proces nuk ka lidhje me organet zgjedhore”, shtoi ai.
Dje, votuesit sirianë hodhën votat për të zgjedhur dy të tretat e vendeve të Asamblesë Popullore, në votimin e parë që nga rrëzimi i Asadit në dhjetor të vitit 2024.
Një total prej 1.578 kandidatësh garuan për 210 vende në asamble, me gratë që përbënin 14 për qind të kandidatëve.
Të tjera
Hetimet për vrasjen e zyrtarit të EULEX-it në 2013, bastisje të reja në veri të Kosovës
Samiti i Berlinit mbahet këtë vit në Londër – liderët pritet të diskutojnë për integrimin evropian dhe bashkëpunimin rajonal
Ekspertët: Zgjedhjet e shpeshta ndikojnë në paqëndrueshmërinë politike dhe ekonomike të vendit