“Kur merrni diagnozën, mos e shihni si fundin e botës” – Arnisa Osmani: “Në fund të tunelit është dielli, jo vetëm drita”

Në një mesazh të fuqishëm dhe mbështetës, Arnisa Osmani ka ndarë me publikun mendimet dhe përvojën e saj përballë diagnozës së kancerit.

Ajo thekson se kur përballemi me lajmin e hidhur të kancerit, nuk duhet ta shohim si fundin e jetës.

“Një send duhet me ditë, kur merrni lajmin që jeni të diagnostikuar me kancer, mos e merrni si fundin e botës, sepse jeta vazhdon,” thotë Arnisa.

Ajo beson se çdo sfidë ka një dritë në fund, madje në rastin e saj, ajo nuk ka qenë vetëm dritë, por diell.

“Gjithmonë në fund të tunelit është një dritë, por në rastin tim më doli dielli brenda në tunel,” shprehet ajo, duke simbolizuar shpresën dhe forcën që ajo ka gjetur gjatë luftës me sëmundjen.